Путиннің сенімді қаржыгері Кирилл Дмитриев Ресейге шетелдік инвестицияларды тарту үшін жаңа қадамдар жасамақ
АҚШ пен Ресей арасындағы дипломатиялық қарым-қатынас салқындап тұрған шақта Кремльдің негізгі мәмілегері Кирилл Дмитриев екі ел арасындағы экономикалық көпірді қайта құруға тырысуда, деп хабарлайды The Financial Times басылымы.
49 жастағы Дмитриев – Ресейдің тікелей инвестициялар қорының (РФПИ) басшысы. Ол АҚШ-пен келіссөздер жүргізуде басты рөлдердің бірін атқарып отыр. Ол Эр-Риядтағы кездесу кезінде АҚШ пен Ресей арасындағы жаңа экономикалық келісімдерді талқылаған.
"Ресей АҚШ бизнесімен бірлескен жобаларды қайта жандандыруға дайын", – деді Дмитриев Financial Times басылымына берген сұхбатында.
Ол Стэнфорд пен Гарвард университеттерін бітірген, бұрынғы Goldman Sachs банкінің қызметкері. Бұрын АҚШ-пен тығыз жұмыс істеген және Құрама Штаттардағы жеке инвестицияларға қатысы бар.
Дмитриевтің айтуынша, АҚШ-тың Ресейден кетуі салдарынан америкалық компаниялар $324 миллиардқа дейін жоғалтқан. Бірақ сарапшылар бұл көрсеткіштің асыра айтылғанын ескертуде.
Эр-Риядтағы келіссөздер барысында АҚШ-тың Ресейдегі экономикалық қатысуы қайта жандануы мүмкін екені талқыланды. Алайда саяси тұрақсыздық пен санкциялар бұл келісімдердің болашағын белгісіз етеді.
Соңғы жаңалықтар
