Қала әкімі демалысқа кетті

Өскемен қаласының әкімі Алмат Ақышов қызметінен қысқа мерзімге қол үзіп, еңбек демалысына шыққанын мәлімдеді, деп хабарлайды Politico.kz

19 қаңтардан бастап демалысқа шыққан қала басшысы бұл жаңалықты өзінің Instagram парақшасы арқылы жеткізіп, тұрғындарды алаңдамауға шақырды.

«Құрметті өскемендіктер!

Бүгіннен бастап екі апталық қысқа мерзімді еңбек демалысына шығатынымды хабарлаймын.

Бұл кезеңде қаланың тұрмыс-тіршілігін қамтамасыз ету міндеті орынбасарларыма жүктеледі. Барлық коммуналдық қызметтер мен инфрақұрылымның штатты қызмет етуі, тұрғындардан келіп түсетін барлық өтініштер тұрақты бақылауда болады. Әкімдік қызметіне қатысты мәселелер болса @oskemen_akimdigi инстаграм парақшасына немесе ресми байланыс каналдарына хабарласа аласыздар.

Демалыс уақытын мен отбасыма арнап, балаларыма көңіл бөлмекпін. Еліміз дамып, Өскеменіміз өркендей берсін!», – деп жазды Алмат Ақышов.

Алмат Ақышов әкім Әлеуметтік желі Өскемен қаласы