Қарағанды облысында қатты жел автобусты аударып жіберді

Қарағанды облысында қатты жел маршруттық автобустың аударылуына себеп болды. Оқиға 21 қаңтар күні сағат 08:54 шамасында республикалық маңызы бар Бастау — Ақтау — Теміртау трассасында, Петровка ауылына жақын жерде орын алды, деп хабарлайды POLITICO.KZ.

№84 маршруттық автобус Ботақара — Қарағанды бағыты бойынша қозғалып бара жатқан. Алдын ала мәлімет бойынша, оқыс оқиғаға желдің күрт күшеюі себеп болып, автобустың тепе-теңдігін жоғалтуына және бүйіріне аударылуына алып келген. Автобуста оқиға кезінде 17 жолаушы болған.Зардап шеккендер тіркелген жоқ. Полиция қызметкерлері оқиға орнына жедел жетіп, жолаушыларға көмек көрсетті. Жолаушыларды үйлеріне жақын жерге жеткізу үшін попутты көлік ұйымдастырылды.