Қарағандыда жойғыш ұшақ апатқа ұшырады

Бүгін Қарағанды облысында Су-30СМ жойғыш ұшағы апатқа ұшырады, деп хабарлайды Politico.kz.

Қорғаныс министрлігінің мәліметінше, оқиға жоспарлы оқу-жаттығу ұшуларын орындау кезінде болған.

Ұшақ экипажы дер кезінде катапульт жасады. Ұшқыштар дін аман, олардың өмірі мен денсаулығына қауіп жоқ. Қазіргі уақытта медициналық мамандардың бақылауында.

Ұшақ құлаған аумақ қоршауға алынды. Тұрғындар мен инфрақұрылым нысандарына еш қауіп жоқ.

Оқиғаның себептері мен мән-жайын анықтау үшін Қазақстан Республикасы Қорғаныс министрлігінің арнайы комиссиясы құрылды. Комиссияны ұшу қауіпсіздігі жөніндегі департамент басқарады. Құрамына авиациялық қызметтің арнайы мамандары кірді.

Тергеу қорытындысы бойынша құқықтық баға беріліп, процессуалдық шешім қабылданады.

оқу-жаттығу Қарағанды облысы Қорғаныс министрлігі ұшақ апаты

Қарағандыда жойғыш ұшақ апатқа ұшырады

Соңғы жаңалықтар