"Қарапайым жұмысшы бір жарым жылда бөлім басшысы болды": Жамбылдағы инспектор көлік саласындағы туыстық байланыс жайлы айтты

Жамбыл облысында көлік саласындағы былықты айтқан инспектор Нұрсұлтан Булатбеков тағы бір мәлімдеме жасады. Бұған дейін ол көлік бақылау инспекциясы басшыларының пара алу және крышевание схемаларына қатысы барын айтып, Президент Қасым-Жомарт Тоқаевқа ашық үндеу жолдаған болатын.

Қазір оның айтуынша, қарапайым жұмысшы болып бастаған Қолымбет Ербол небәрі бір жарым жылдың ішінде көлік бақылау бөлімінің басшысы болып шыға келген. Булатбековтың сөзінше, оның мұндай жылдам өсуіне көліктік бақылау комитетінің төрағасы, Қолымбет Ерболдың немере ағасы Алтай Әлі Сембекұлы әсер еткен.

Нұрсұлтан Булатбеков осы жағдайға қатысты жауап күтуде.