Қайрат Нұртастың қызы Ресейде қару өндіретін орталықты жарнамалап сынға қалды

Әнші Қайрат Нұртастың ортаншы қызы Алау Айдарбекова әлеуметтік желіде Ресейдің әскери өнімдер шығаратын орталығын жарнамалап жұрттың сынына ұшырады, деп хабарлайды Politico.kz.

Татарстанда орналасқан «Алабуга Политех» білім беру орталығы бастапқыда жастарды робототехника мен бағдарламалауға үйрететін технологиялық хаб ретінде құрылғанымен, кейіннен толығымен мемлекеттік қорғаныс тапсырысын орындауға көшіп, ресейлік армия үшін қару-жарақ өндірумен әрі арзан жұмыс күшін тартумен айналыса бастаған.

Threads желісінің қолданушылары Алау Айдарбекованың TikTok парақшасында 2025 жылдың 22 шілдесінде жарияланған осы мекемені билеп жүріп таныстырған видеосын енді ғана байқап, жаппай пікір қалдырды. Желі белсенділерінің қызу талқылауынан кейін даулы жарнама парақшадан өшірілді. Алаудың өзі бұл жағдайға қатысты әзірге пікір білдірмеді.