Қазақстан GTI 2026 рейтингінде ең қауіпсіз елдер қатарына енді

Экономика және бейбітшілік институты әзірлеген Global Terrorism Index 2026 рейтингінің қорытындысы бойынша Қазақстан террористік оқиғалар мүлдем тіркелмеген қауіпсіз елдердің қатарына кірді, деп хабарлайды Politico.kz.

Халықаралық ұйым әлемнің 163 мемлекетіндегі жағдайды сараптай келе, елімізде бірде-бір террористік шабуыл болмағанын анықтаған. Зерттеу нәтижесінде Қазақстан қауіп деңгейі «нөлдік» саналатын мемлекеттер тобына қосылды.

Биыл ел аумағындағы қауіпсіздік жоғары бағаланып, индекс көрсеткіші 0.000 баллды құрады.

Рейтинг мәліметіне сәйкес, Қазақстаннан бөлек Қырғызстан, Түрікменстан және Молдова елдері де дәл осындай қауіпсіздік көрсеткішіне қол жеткізген.