Қазақстан мен Өзбекстан шекарасында контрабанда туннелі табылды

Шекарадағы құпия туннель 7 тонна мұнай өнімдерін тасымалдауға арналған

Қазақстан мен Өзбекстан шекарасында 450 метрлік құпия туннель табылды, деп хабарлайды POLITICO.KZ.

Екі елдің құқық қорғау органдары бірлескен арнайы операция барысында трансұлттық ұйымдасқан қылмыстық топ мүшелерін құрықтады.

Тергеу материалдарына сәйкес, туннель арқылы күн сайын шамамен жеті тонна жанармай және майлау материалдары заңсыз тасымалданып отырған. Бұл әрекетке Қазақстан мен Өзбекстан азаматтары қатысқан.

Құқық қорғаушылардың айтуынша, бұл туннель контрабанда үшін арнайы салынған. Қазір тергеу амалдары жалғасып жатыр.

Айта кетейік, екі ел арасындағы шекарада мұндай заңсыз әрекет алғаш рет анықталып отырған жоқ. Тараптар шекаралық қауіпсіздікті күшейту мақсатында бірлескен жұмыстарды жалғастыруда.

#Қазақстан #Өзбекстан