Қазақстан Қытай мен Ресей арасындағы көпірге айналуы тиіс
Қазақстан Қытай мен Ресей арасындағы сенімді көпірге айналуы тиіс, деп мәлімдеді Қазақ-Неміс университетінің Халықаралық және өңірлік ынтымақтастықты зерттеу институтының директоры Болат Сұлтанов. Бұл пікірін ол "Валдай" пікірталас клубының V Орталық Азия конференциясында айтты, деп хабарлайды POLITICO.KZ.
Сұлтановтың айтуынша, Қазақстан мен Ресей арасындағы стратегиялық серіктестік пен одақтастық берік негізге құрылған. Ол бұл қарым-қатынастарды "тарихи кездейсоқтық емес, объективті шындық" деп атады.
Сондай-ақ, ол Қазақстанның Ұлы Жеңіске деген ерекше көзқарасы бар екенін атап өтті.
"Қазақстан Ұлы Жеңіс мәселесіне ерекше мән береді – бұл біздің принципті ұстанымымыз. Биыл біз Ұлы Отан соғысындағы Жеңістің 80 жылдығын атап өтеміз. Ресми ұстаным – осы тарихи жадты сақтау", – деді Сұлтанов.
Конференция барысында сарапшылар Қазақстанның халықаралық байланыстардағы рөлі артып келе жатқанын, оның Қытай мен Ресей арасындағы көпір қызметін атқара алатынын айтты.
Қазақстанның сыртқы саясаттағы тепе-теңдігін сақтау өңірлік тұрақтылық пен экономикалық байланыстарды нығайтуға мүмкіндік береді.
Ақпарат Sputnik Қазақстан арнасынан алынған.
Соңғы жаңалықтар
