Қазақстанда 4 237 шетелдік заңсыз такси жүргізушісі анықталды

Қазақстанда 4 237 шетелдік азаматтың такси жүргізушісі ретінде заңсыз жұмыс істегені анықталды, деп хабарлайды POLITICO.KZ.

Наурызбай ауданының прокуратурасы Алматы қаласында 400-ден астам таксопарк бар екенін және олардың бірқатарында шетелдік азаматтар заңсыз еңбек еткенін мәлімдеді.

Миграциялық қызмет комитеті прокуратураның қадағалау актісін қарастырып, таксопарктер мен заңсыз жұмыс істеген шетелдіктерге қатысты шаралар қабылдауда.

Нәтижелер:

• Әкімшілік жауапкершілікке тартылғандар – 346 адам
• Қабылдау-тарату орнына орналастырылғандар – 112 адам
• Қазақстаннан депортацияланғандар – 156 адам

Сонымен қатар, шетелдік жұмыс күшін заңсыз тартқаны үшін 29 таксопарк қызметкері әкімшілік жауапкершілікке тартылды.