Қазақстанда дәрігерлердің категориясын растау бойынша жаңа өзгерістер енгізіледі

Қазақстанда дәрігерлердің біліктілік санатын растау және көтеру процедурасын жеңілдету жоспарланып отыр, деп хабарлайды POLITICO.KZ.

Денсаулық сақтау министрі Ақмарал Әлназарова медициналық қызметкерлерге жаңа ережелер бойынша біліктілігін растау жеңілдейтігін мәлімдеді.

"Бүгінде 11 мыңнан астам медқызметкер өздерінің жаңа біліктілігін растады. Біз бұл емтихандардың экономикалық қолжетімділігіне талдау жасадық. Медсестер үшін тестілеу құнын 25%-ға төмендеттік. 2025 жылдың 1 қаңтарынан бастап ол одан әрі төмендейді", – деді министр.

Сонымен қатар, егер алғашқы емтихан сәтсіз аяқталса, екінші сынақ тегін болады. Біліктілік санатын растаған мамандар үшін рәсімді оңтайландыру бағытында жұмыстар жалғасуда.