Қазақстанда жылдық инфляция 9,4%-ға жетті

Қазақстанда жылдық инфляция қарқыны 9,4%-ға дейін жетті, деп хабарлайды POLITICO.KZ. Қаңтар айында бұл көрсеткіш 8,9% болған еді.

Елімізде бір жыл ішінде қызмет көрсету саласындағы бағалар 14,1%-ға, азық-түлік өнімдері 6,5%-ға, ал азық-түлікке жатпайтын тауарлар 8,3%-ға өсті.

Февраль 2024 жылымен салыстырғанда тарифтер төмендегідей өсті:

• Суық су – 70,7%
• Электр энергиясы – 21%
• Орталық жылыту – 18,2%
• Кәріз жүйесі қызметі – 17,3%
• Ыстық су – 14,5%
• Газ – 13,2%

Сарапшылардың айтуынша, инфляцияның өсуіне коммуналдық қызметтер тарифтерінің қымбаттауы, азық-түлік өнімдерінің бағасының тұрақсыздығы және әлемдік нарықтағы жағдай әсер етуде.

Қазақстанда инфляцияның әрі қарайғы динамикасы үкіметтің экономикалық саясатына және сыртқы факторларға байланысты болмақ.

Ақпарат Sputnik Казахстан арнасынан алынған.