Қостанай облысында анасының орнына баласын өлі деп тіркеп қойған

9 сәуір 2026, 12:18 1303

Қостанай облысында анасының орнына баласын өлі деп тіркеп қойған — Тірі адамды өлі деп тіркеп қойған/ЖИ арқылы жасалған сурет

Қостанай облысында тіркеу органы қателік жіберіп, марқұм болған анасының өлім туралы куәлігін сұрап келген ер адамды өлді деп тіркеп қойған, деп хабарлайды Politico.kz.

Қостанай облысының құқық қорғау орталығы таратқан мәліметке сүйенсек, Әулиекөл ауданында анасы қайтыс болғаннан кейін оның ұлы тиісті құжатты алу үшін өтініш білдірген. Алайда жауапты орган қызметкерлері базаға мәліметті қате енгізіп, өлім туралы куәлікті марқұмның емес, өтініш жазған адамның атына рәсімдеп берген.

Осы олқылықтың кесірінен тірі адамның банктегі шоттары мен жеке құжаттары толық бұғатталып қалған. Соған қарамастан, жауапты мекеме өз қатесін ұзақ уақыт бойы түземей, істі созып отыр.

«Тіркеуші орган біраз уақыттан бері өз қателігін түзетпей, тірі адам қайтыс болды деген азаматтық хал актісі жазбасын күшін жоймай отыр және, шамасы, мәселені шешуді созып келеді», – деп хабарлады құқық қорғау орталығы.