Қостанайда 13 жасар қызды зорлаған ер адам сотталды

Лисаковск тұрғыны кәмелетке толмаған қыз баланы зорлағаны үшін өмір бойына бас бостандығынан айырылды, деп хабарлайды POLITICO.KZ Tobol.info-ға сілтеме жасап.

Қостанай облысының қылмыстық істер жөніндегі мамандандырылған ауданаралық соты айыптау үкімін шығарған. Іс жабық режимде қаралғандықтан, оның егжей-тегжейі жарияланбайды.

«Сот Лисаковск тұрғынын ҚР ҚК 121-бабының 4-бөлігі («Сексуалдық сипаттағы күш қолдану әрекеттері») бойынша 13 жастағы қызға қатысты жасаған қылмысы үшін өмір бойына бас бостандығынан айыру жазасына кесті», - делінген хабарламада.

Айта кетейік, оқиға 2025 жылдың наурызында болды.