Қырғыздар тегтегі «-ов» пен «-ев»-тен бас тартып жатыр

Қырғызстанда азаматтар кеңестік дәуірден қалған «-ов» және «-ев» жұрнақтарынан бас тартып, ұлттық дәстүрге оралуда, деп хабарлайды POLITICO.KZ.

Бұл бастамаға сәйкес заң жобасын депутаттар қолдады.

Жаңа заң жобасы бойынша фамилияларды жазуда баланың әкесінің атына байланысты «уулу» (ұлдар үшін) және «кызы» (қыздар үшін) сөздері қосылады. Сонымен қатар атасының атына «теги» сөзімен бірге ер балаларға «дын/тын», «дин/тин», «дүн/түн», ал қыз балаларға «дан/тан», «ден/тен», «дөн/төн» жұрнақтары жалғанады.

Қырғызстан билігі бұл өзгерістерді енгізу рәсімін жеңілдетіп, бюрократиялық кедергілерді азайтуды көздеп отыр. Бұл қадам ұлттық мәдениетті нығайтуға бағытталған.