Қырғызстан мектептерінде ақша жинауға заңмен тыйым салынды

Қырғызстанда мектептерде мәжбүрлі түрде ақша жинауға тыйым салатын заң қабылданды, деп хабарлайды POLITICO.KZ.

Бұл заңға ел президенті Садыр Жапаров қол қойды.

Заң мемлекет пен жергілікті қоғамдық білім беру ұйымдарында балалардың тегін білім алу құқығын жүзеге асыруға бағытталған. Енді мұндай ұйымдарда заңсыз және мәжбүрлі түрде қаржылық немесе материалдық қаражат жинауға тыйым салынады.

Мектептердегі осындай бұзушылықтарды анықтау және тиісті жазалау шараларын қолдану өкілеттігі ішкі істер органдарына берілді.

Sputnik агенттігінің мәліметінше, келесі айыппұлдар қарастырылған:

• мектептерде заңсыз ақша жинау үшін – 20 мың сом (121 мың теңге);
• мектеп жанындағы қоғамдық қорларды құру үшін:
• жеке тұлғаларға – 40 мың сом (242 мың теңге);
• заңды тұлғаларға – 60 мың сом (363 мың теңге).