Қырғызстанда көкпаршы ойында қаза тапты

Қырғызстанның Военно-Антоновка ауылында Наурыз мейрамына орай өткен көкпар ойыны кезінде қайғылы оқиға болды, деп хабарлайды POLITICO.KZ 24.kg арнасына сілтеме жасап.

Бүгін, 12 наурыз күні болған қайғылы оқиға салдарынан 44 жастағы ойыншы Мирлан Сраждинов қаза тапты. Ол жерде жатқан серкені көтермек болып еңкейген сәтінде қарсылас ойыншының аты қатты жылдамдықпен келіп соққан. Соққыдан кейін Сраждинов есінен танып, жерге құлаған.

Оқиға орнына келген жедел жәрдем қызметі спортшының дәрігерлер келгенге дейін ашық бас сүйек-ми жарақатынан қайтыс болғанын хабарлады.

Қазіргі уақытта полиция оқиғаға қатысты тергеуге дейінгі тексеру жұмыстарын жүргізуде. Қайғылы оқиғадан кейін ойын дереу тоқтатылды.