Қысқы каникул 10 күнге созылады

14 қараша 2025, 11:12 3130

Қысқы каникул 10 күнге созылады — Фото: ашық дереккөз

Қазақстан мектептерінің оқушылары алдағы қыста ұзақ мерзімді демалысқа шығады. 2025/2026 оқу жылының бекітілген кестесіне сәйкес, қысқы каникулдың нақты уақыты белгілі болды, деп хабарлайды POLITICO.KZ Tengri Education-ге сілтеме жасап.

Оқушылар 2025 жылдың 29 желтоқсанынан бастап 2026 жылдың 7 қаңтарын қоса алғанда демалады. Осылайша, қысқы демалыс 10 күнге созылады. Сабақ 8 қаңтарда қайта басталады.

Ұстаздар қауымы бұл кезеңді жақсылап тынығуға, ұйқы режимін қалыпқа келтіруге, гаджеттерге бөлінетін уақытты азайтып, таза ауада көбірек серуендеуге жұмсауға кеңес береді.

Елімізде оқу жылы төрт тоқсаннан тұрады. 2025/2026 жылға арналған толық демалыс кестесі төмендегідей:

Қысқы демалыстан кейін оқушыларды наурыз айының ортасына дейін жалғасатын 10 апталық үшінші тоқсан күтеді.
1-сынып оқушылары үшін қосымша демалыс 2026 жылдың 9–15 ақпаны аралығында (7 күн) беріледі.
Көктемгі демалыс — 2026 жылдың 19–29 наурызы аралығында (11 күн).
Төртінші тоқсан 8 аптаға созылады.
Оқу жылы 2026 жылдың 25 мамырында аяқталады.

Демалыс Мектеп оқушылар Қазақстан

Бізді Google-дың негізгі дереккөздер тізіміне қосыңыз

Қосу

Қысқы каникул 10 күнге созылады

Соңғы жаңалықтар