"Қызметі үшін баласынан безді": Түркістан облысының 23 жастағы депутаты Мәжіліс депутатын айыптады

Түркістан облыстық мәслихаттың ең жас депутаты Нұрайым Шақимерген Мәжіліс депутаты Темір Қырықбаевқа қатысты мәлімдеме жасап, көпшіліктің назарын аударды, деп хабарлайды POLITICO.KZ

Бұған дейін ол әлеуметтік желіде Темір Қырықбаевпен бірге түскен суретін жариялап, «Қандай адам екенін біліңіздер» деп жазған еді. Ал бүгін Нұрайым Шақимерген жаңа жазбасында:

«Қызметі үшін баласынан безген адамды көрдім. БАҚ өкілдеріне сұхбат беруге дайынмын, жеке жазыңыздар», – деп мәлім етті.

Айта кетейік, Темір Базарбайұлы Қырықбаев (3 мамыр 1983 жыл) — қазақстандық мемлекет қайраткері, 2023 жылдан бастап Қазақстан Парламенті Мәжілісінің VIII сайланым депутаты, Экономикалық реформа және өңірлік даму комитетінің мүшесі.