ҚР Ұлттық банкі БЖЗҚ зейнетақы активтері туралы маңызды мәлімдеме жасады

  Қазақстан Республикасының Ұлттық Банкі БЖЗҚ зейнетақы активтері есебінен «Эйр Астана» АҚ жай акцияларының бастапқы IPO-ға қатысуы туралы хабарлайды. 14 ақпанда БЖЗҚ зейнетақы активтерінің инвестициялық портфелі үшін бір акцияға 1 073,83 теңге бағамен «Эйр Астана» АҚ-ның 24,9 млрд теңгеге жай акциялары сатып алынды. Сатып алынған акциялардың жалпы саны 23 168 975 дананы немесе компанияның жалпы шығарылған акцияларының 6,5%-ын құрады. «Жоғары сапалы қазақстандық эмитенттердің жай акцияларын сатып алу БЖЗҚ зейнетақы активтерінің инвестициялық портфелін әртараптандыруға бағытталған және ұзақ мерзімді перспективада оның табыстылығын арттыруға көмектеседі. БЖЗҚ зейнетақы активтерін «Эйр Астана» АҚ жай акцияларына инвестициялау туралы шешім тұрақты қаржылық көрсеткіштерге, сондай-ақ болашақта тұрақты дивидендтер төлеуге мүмкіндік беретін компания қызметінің жоғары табыстылығына негізделген. Бұл инвестициялар БЖЗҚ салымшыларына Орталық Азияның авиация нарығындағы көшбасшылардың бірінің акционерлері болуға мүмкіндік береді