Рэпер Qarakesek Ақтөбеде есірткімен ұсталды

Ақтөбеде белгілі рэпер Амантаев Омар есірткімен ұсталды, деп хабарлайды POLITICO.KZ.

Ақтөбеде жедел іс-шаралар кезінде 31 жастағы рэп-орындаушы жол-патрульдік полициясы тарапынан тоқтатылды.

Облыстық полиция департаментінің мәліметінше, ол көлікті есірткілік масаң күйде басқарған. Жеке тінту барысында оның қалтасынан ұнтақ тәрізді зат салынған ZIP-пакет табылып, сараптама нәтижесінде оның синтетикалық есірткі екені анықталды.

Медициналық тексеру жүргізіліп, жүргізушінің есірткі қолданғаны расталды. Бұл дерек бойынша қылмыстық іс қозғалды.

Полицияның хабарлауынша, сот шешімімен құқықбұзушы 15 тәулікке әкімшілік қамауға алынып, жеті жылға көлік жүргізу құқығынан айырылды.

Сурет: Ашық Дереккөз

Ақтөбе қаласы Полиция

Рэпер Qarakesek Ақтөбеде есірткімен ұсталды

Соңғы жаңалықтар