Ресей алдағы күндері Украинаның "күлін көкке ұшыратын" соққылар жасайды - БАҚ

Ресей алдағы күндері Украинаның "күлін көкке ұшыратын" соққылар жасайды.

Reuters агенттігі мәлім еткендей, бұл шабуыл Украина стратегиялық авиация аэродромдарын нысанаға алған «Өрмек» операциясына жауап ретінде «кек қайтару» сипатында болмақ.

Америкалық шенеуніктердің сөзінше, Мәскеу зымырандар мен ұшқышсыз ұшу аппараттарын (ҰҰА) қамтитын түрлі әуе соққыларын жоспарлап отыр. Олардың бірінің айтуынша, Ресей «асимметриялық» шабуыл жасау ниетінде.

«Батыстың дипломатиялық дереккөзі Ресейдің қарымта қимылы басталып кеткенін жоққа шығармайды, бірақ оның қарқыны күшейіп, Киевке айқын сигнал жолдау үшін үкімет ғимараттары секілді символдық нысандарға соққы берілуі мүмкін», – делінген жарияланымда.