Ресей әскерімен келісімге отырған қазақстандықтардың тізімі жария болды

25 шілде 2025, 16:23 1671

Ресей әскерімен келісімге отырған қазақстандықтардың тізімі жария болды — Коллаж: POLITICO.KZ

2025 жылдың алғашқы жартысында 529 қазақстандық Ресей әскерімен келісімшартқа отырғаны белгілі болды

Бұл туралы украиналық Хочу жить қоры хабарлап, нақты 529 адамның тізімін Telegram арнасында жариялады.

Тізімде азаматтардың аты-жөні, туған жылы, жетон нөмірі және келісімшартқа қол қойған күні көрсетілген. Ұйымның мәліметінше, көктемде Ресей әскері жағында соғысып жатқан 661 қазақстандықтың аты-жөні жарияланған болатын.

Қордың хабарлауынша, осы тізімге байланысты Қазақстанның Украинадағы консулы Бауыржан Бегалимов Украинаның әскери тұтқындармен жұмыс істейтін штабының өкілдерімен кездескен. Дипломат Украина тарапына Қазақстанда түсіндіру жұмыстары жүргізіліп жатқанын және әрбір жағдай бойынша тергеу басталғанын жеткізген.