Ресей дроны Чернобыль АЭС саркофагына зақым келтірді

Ресей дроны Чернобыль АЭС-іне соққы жасады – Украина билігі дабыл қақты

Украинадағы Чернобыль атом электр станциясының (АЭС) 4-энергоблогын жауып тұрған қорғаныс саркофагына Ресей дроны соққы жасады, деп хабарлайды Украина билігі.

Украина президенті Владимир Зеленский бұл шабуыл АЭС-ке айтарлықтай зиян келтіргенін мәлімдеді.

"Ресейдің дроны Чернобыль АЭС-ін нысанаға алып, 4-энергоблоктың қорғаныс саркофагына соққы жасады. Соққыдан кейін ғимараттың бір бөлігінің шатыры опырылып түсті. Өрт шықты, бірақ ол сөндірілді. Қазір радиация деңгейін мұқият өлшеу жұмыстары жүріп жатыр", – деді Зеленский.

Атом энергиясы жөніндегі халықаралық агенттіктің (МАГАТЭ) өкілдері өрттің болғанын растады, бірақ радиация деңгейінің жоғарыламағанын хабарлады.

Шабуыл салдарынан зардап шеккендер туралы ақпарат жоқ.

Қазіргі таңда Украина билігі радиацияның таралу қаупін бағамдап жатыр.