Ресей мен АҚШ арасындағы келіссөздері басталды

Эр-Риядта Ресей мен АҚШ делегациялары арасындағы келіссөздер басталды, деп хабарлайды POLITICO.KZ.

Келіссөздер Сауд Арабиясының астанасында, корольдік отбасына тиесілі Аль-Басатин кешеніндегі Дирия сарайында өтіп жатыр. Бұл – Ресей мен АҚШ арасындағы арнайы әскери операция басталғалы бері алғашқы жоғары деңгейдегі ресми кездесу.

Келіссөздерге Ресей жағынан Сергей Лавров (Сыртқы істер министрі) мен Юрий Ушаков (Президент көмекшісі), ал АҚШ тарапынан Марко Рубио (Госхатшы), Майк Уолц (Трамптың ұлттық қауіпсіздік жөніндегі кеңесшісі) және Стив Уиткофф (Таяу Шығыс бойынша арнайы өкіл) қатысуда.

Тараптар бірнеше негізгі тақырыптарды талқылауда:

• АҚШ пен Ресей арасындағы ынтымақтастықты қалпына келтіру;
• Украинадағы дағдарысты реттеу жолдары;
• Путин мен Трамптың ықтимал кездесуі.

Ресей мен АҚШ арасындағы бұл диалогтың нәтижесі екі елдің ғана емес, бүкіл әлемдік геосаяси жағдайға әсер етуі мүмкін.

Следите за нашими новостями в Google News

Подписаться