Сарапшылар теңгенің нығаю себебін атады

Ұлттық банк деректеріне сәйкес, сәуірдегі сауда-саттықтың жалпы көлемі 5,1 млрд АҚШ доллары болды. Ұлттық қордан республикалық бюджетке трансферттерді қамтамасыз ету үшін сәуірде 1 056 млн АҚШ долларына валюта сатылды. Ұлттық қордан сату үлесі жалпы сауда-саттық көлемінің 21 пайызынын және күніне 48 млн АҚШ долларынан аспайтын мөлшерді құрады.

«Ұлттық банк сәуірде БЖЗҚ зейнетақы активтерінің валюталық үлесін 30 пайыз деңгейінде ұстап тұру мақсатында биржадағы сауда-саттықта шетел валютасын сатып алуды жалғастырды. Оның жалпы сомасы 500 млн АҚШ долларын немесе нарықтың жалпы көлемінің шамамен 10 пайызын құрады», - деп хабарлады Ұлттық банктен.

Ведомство мәліметінше, сәуірде валюталық интервенциялар жүргізген жоқ. Онда теңгенің бұлай нығаюы немен байланысты?

«Шетелдік валютаға сұраныс елдегі ұзақмерзімді демалысқа дайындыққа, мұнай бағасының түзетілуіне, сонымен қатар мамырда Ұлттық қордан шетелдік валютаның сатылу көлемінің және инфляция бойынша деректердің жариялануы қарсаңында орын алуы мүмкін», - деп жауап берді Қазақстанның Қаржыгерлер қауымдастығынан.

Тәуелсіз қаржы сарапшысы Андрей Чеботарев су тасқыны салдарынан мемлекеттік бюджетке мол ақша, демек Ұлттық қордан көп трансферт қажет.

«Барынша жоғары бағамға байланысты бюджет кіріс бөлігін ала алмайтындығына басқа ерекше ештеңе жоқ. Ұлттық қор да ала алмайды», - деді сарапшы.

Оның пайымынша, Қазақстан ерте ма, кеш пе бір доллар үшін 470 теңгелік бағамға оралатын болады. Бұл жайт осы жылдың қыркүйек айына қарай орын алуы ықтимал. Айта кетейік, республикалық бюджетке трансферттер бөлуге Үкіметтің алдын ала болжамды өтінімдері бойынша 2024 жылғы мамырда Ұлттық банк Ұлттық қордан 750 млн АҚШ долларынан 850 млн АҚШ долларына дейінгі мөлшерде валюта сатылуын күтеді. 2024 жылғы мамырда БЖЗҚ зейнетақы активтерінің валюталық үлесін ұстап тұру үшін 450 млн АҚШ долларынан 500 млн АҚШ долларына дейінгі мөлшерде валюта сатып алу көзделген.