Семейде сотталған ер адам өзін 6 жыл күткен сүйіктісімен түрмеде некелесті (ВИДЕО)

15 қыркүйек 2026, 16:18 1777

Семейде сотталған ер адам өзін 6 жыл күткен сүйіктісімен түрмеде некелесті (ВИДЕО) — Фото: Бейнеден кадр

Семейдегі №19 мекемеде жазасын өтеп жатқан ер адам бостандыққа шығуына 1 ай қалғанда некесін қидырды. Бұл туралы Абай облысы бойынша Қылмыстық-атқару жүйесі департаментіне сілтеме жасап, Politico.kz хабарлайды.

Департаменттің мәліметінше, сүйіктісі онымен 6 жыл бойы байланысын үзбей, күткен. Жұп некесін мекеме ішінде ресми тіркеген.

Департамент осы сәттен видео жариялады. Кадрлардан ақ көйлек киген қалыңдықтың мекеме ішінде ер адаммен бірге жүргенін көруге болады.

№19 мекеме – ауыр және аса ауыр қылмыстар, оның ішінде сыбайлас жемқорлық қылмыстары үшін сотталғандар жазасын өтейтін қатаң режимдегі түзеу колониясы.