«Семіріп алған»: белгілі бапкер боксшылардың нәтиже көрсетпеу себебін түсіндірді

Журналист Нұрсейіт Жылқышыбайға сұхбат берген белгілі спорт маманы, бокстан Қазақстан құрама командасының бас бапкері болған Тұрсынғали Еділов Париж Олимпиадасынан неліктен қазақ боксшыларының нәтижесі көңіл қуантпайтыны жөнінде пікір білдірді, деп хабарлады politico.kz ulysmedia.kz-ке сілтеме жасап.

Бұл жерде біз жоғалтып алдық. Біз тек бас бапкерге (Мырзағали Айтжановқа) сенеміз. Жеті адам – Сәкенді, Сабырханды алмайды ешқашан. Қоңқабаевтың орнына кім бар? Ешкім жоқ. Шыңбергеновтың орнына кім барады? Ешкім жоқ. Бір-екі... Токио Олимпиадасынан бастап дабыл қағу керек болатын. Ауыстыру керек еді. Қоңқабаев не керек? Құлап жүр. Жалолов нокаутқа түсірген адам оны ұтып алды, – дейді Тұрсынғали Еділов.

Сондай-ақ ол «тойып алсаң қалай қимылдау керектігін ұмытасың, аш болуың керек» деген пікірде.

Қазір «семіріп» алған. Мәселе онда емес. Алсын, бірақ подводка керек, балаларды қалай бабына келтіру керек деген. Соншама жиынмен болмайды. 16 жыл бойы құрама командада жүр... – дейді маман.

Сөз соңында ол өзбек боксшысы Хасанбой Дусматовпен шыққан Сәкен Бибосыновты таза жеңілді деп есептейді. Бибосыновтың соңғы раундта 3-4 соққы алып қалғанын айтып, жеңілісіне сол себеп болды деп отыр.