Шавкат Рахмоновтың әйелі мінген көліктің жол апаты сәті жарияланды

Шавкат Рахмоновтың жұбайы қатысқан жол апатының орнынан видео жарияланды, деп хабарлайды POLITICO.KZ.

Полицейлер бұл кадрларды Instagram-дағы ресми парақшасында жариялады.

Жамбыл облыстық ПД мәліметінше, республикалық маңызы бар Алматы – Екатеринбург тас жолының 299-шақырымында Toyota Land Cruiser 200 көлігінің жүргізушісі рульге ие бола алмай, автокөлік аударылып кеткен. Көлік Қарағанды облысы тарапынан Алматы бағытына қарай қозғалып бара жатқан.

Жол апаты салдарынан екі адам оқиға орнында қаза тапты, тағы екі адам ауруханаға жеткізілді.

Айта кетейік, апаттан кейін Шавкат Рахмоновтың жары мен ұлы ауруханадан шыққан болатын.