«Шошқа етін жемеймін»: Польшадан келген дипломат қазақша мақалдап сөйлеп жұртты таң қалдырды

Польшаның Қазақстандағы уақытша сенімді өкілі Михал Лабенда, De.media Youtube арнасына берген сұхбатында қазақша мақалдап сөйлеп жұртты таң қалдырды, деп хабарлайды POLITICO.KZ.
Дипломат қазақ мәдениеті, тілі, музыкасы мен киносы жайлы ой бөлісті. 
Поляк дипломатымен болған сұқбат тек қазақ тілінде өтті. Оның мемлекеттік тілді жетік меңгергені соншалық, тіпті әр сөйлемін қазақша мақал-мәтелмен көмкерді.

«Мақал-мәтелдер қай тіл болса да, ол елдің мәдениетінің айнасы сияқты. Ол ұлттың рухына үңілуге мүмкіндік береді», - дейді ол. 

Сонымен қатар, Михал Лабенда дәл Қазақстандағы сияқты шошқа етін жемейтінін айтты.

«Бізде Польшада шошқа етін көп жейді. Мен өзім шошқа етін жек көремін», - деді дипломат.