Солтүстік Қазақстанда 34 жастағы жұмысшы элеватор ішіне құлап, астық астында тұншығып қайтыс болды

20 қараша 2025, 09:54 679

Солтүстік Қазақстанда 34 жастағы жұмысшы элеватор ішіне құлап, астық астында тұншығып қайтыс болды — Фото: ашық дереккөз

Солтүстік Қазақстан облысындағы элеваторлардың бірінде жұмысшы абайсызда қоймаға құлап, ажал құшты. Қайғылы оқиғаға қатысты полиция департаменті түсініктеме берді, деп хабарлайды Politico.kz.

Құқық қорғау органдарының мәліметінше, қазіргі таңда аталған дерек бойынша еңбекті қорғау ережелерін бұзу бабымен қылмыстық іс қозғалған. Тергеушілер оқиғаның бүге-шігесін тексеріп, кінәлілерді анықтау үстінде.

Жазым болған оқиға қарашаның 19-ы күні, кешқұрым орын алған еді. Кәсіпорында тасымалдаушы болып еңбек ететін 34 жастағы келіншек жұмыс барысында тепе-теңдігін жоғалтып, 30 метр биіктен төмен қарай құлдилайды.

Оқыс жағдайды көрген әріптестері дереу құтқарушыларды шақыртқан. Алайда мамандар оны алып шыққанда бәрі кеш еді. Жедел жәрдем қызметкерлері әйелдің дене жарақатынан емес, астық арасында тыныс ала алмай, тұншығып көз жұмғанын растады.

Полиция департаменті СҚО Тергеу Қайғылы жағдай

Бізді Google-дың негізгі дереккөздер тізіміне қосыңыз

Қосу

Солтүстік Қазақстанда 34 жастағы жұмысшы элеватор ішіне құлап, астық астында тұншығып қайтыс болды

Соңғы жаңалықтар