Солтүстік Қазақстанда түрме бастығы ұсталды

27 ақпан 2026, 12:01 1468

Солтүстік Қазақстанда түрме бастығы ұсталды — Фото: ашық дереккөз

СҚО бойынша қылмыстық-атқару жүйесі департаментінің № 52 мекемесінің бастығы пара алды деген күдікпен ұсталды, деп хабарлайды Politico.kz Kazinform агенттігіне сілтеме жасап.

Осы дерекке қатысты Kazinform сұрауына Ұлттық қауіпсіздік комитеті жауап берді.

«Көрсетілген факті бойынша сотқа дейінгі тергеп-тексерулер жүргізіліп жатқанын хабарлаймыз. Қылмыстық-процестік кодекстің 201-бабының 1-тармағына сәйкес өзге ақпарат жария етуге жатпайды», — делінген хабарламада.

Бейресми мәлімет бойынша, түрме бастығы сотталғанды шартты түрде мерзімінен бұрын босатуға ықпал ету үшін пара алуы мүмкін.

Халық арасында «еркін қоныс» деп аталған № 52 түзеу мекемесі Қызылжар ауданы Ольшанка елді мекенінде орналасқан. 2024 жылдан бері колонияны полковник Рүстем Рахметов басқарған.

бастық Пара алу СҚО түзету мекемесі Түрме ұсталды ҰҚК

Бізді Google-дың негізгі дереккөздер тізіміне қосыңыз

Қосу

Солтүстік Қазақстанда түрме бастығы ұсталды

Соңғы жаңалықтар