Суджа мен Донецк облыстарында ауыр шайқас жүріп жатыр

Украинаның Донецк және Суджа бағыттарында Ресей әскерінің шабуылына қарсы ауыр шайқастар жүріп жатыр, деп хабарлайды POLITICO.KZ Азаттық арнасына сілтеме жасап.

Украина қарулы күштерінің Бас штабы Суджа мен Донецк облысының бірқатар аудандарында ахуал күрделенгенін ресми түрде хабарлады. Әсіресе, Суджа қаласы үшін қызу шайқастар жүріп жатыр. Ресей Қорғаныс министрлігі Суджаны қайтарғанын мәлімдегенімен, Украина тарапы бұл ақпаратты жоққа шығарды.

Әскери сараптамалық DeepState жобасының ақпаратына сәйкес, Суджа қаласының солтүстік және батыс аудандары әлі де украин әскерінің бақылауында. Қазіргі уақытта Суджа маңындағы Украина күштерінің негізгі жабдықтау бағыттары ресейлік әскерлердің шабуылына ұшырап, жағдай шиеленісе түскен.

Сонымен қатар, Донецк облысының бірнеше ауданында да ауыр шайқастар болып жатыр. Ресей әскері шабуылдарын күшейтсе де, Украина қарулы күштері тиімді тойтарыс беріп, қорғанысты ұстап тұр. Ресейлік әскери блогерлердің өздері де бұл бағытта украиналық күштердің мықты қарсылық көрсетіп жатқанын мойындады.

Ресей Суджа қаласының айналасында әскер санын күрт арттырып, шабуылдарын жалғастыруда.