Тағы бір қайғылы жағдай: Жетісуда сарбаз оққа ұшты

Жетісуда жаттығу кезінде жас сарбазға оқ тиіп, қаза тапты, деп хабарлайды POLITICO.KZ порталы.

Бүгін, 23 қыркүйекте, Жетісу гарнизоны Десанттық-шабуылдау әскерлерінің мерзімді қызметтегі сарбазы оқ жарақатынан қаза тапты. Қайғылы оқиға жауынгерлік дайындық сабақтары кезінде болған.

Алдын ала мәліметтер бойынша, сарбаз қауіпсіздік шараларының бұзылуы салдарынан оққа ұшқан. Ол алған жарақатынан оқиға орнында бірден көз жұмды.

Осы оқиғаға байланысты қылмыстық іс қозғалды. Қорғаныс министрі істің тергелуін жеке бақылауына алғаны хабарланды.

Оқиғаның толық мән-жайы тергеу барысында анықталады.

Жетісу облысы сарбаз Қайғылы жағдай