Тағы бір танымал блогер хиджабын шешіп тастады (ВИДЕО)

Актриса, блогер Айым Алтынбекова хиджабын шешкенін айтты, деп хабарлайды POLITICO.KZ.

Бұл туралы ол желідегі парақшасында жазды. 

«Айтқым келетін бір нәрсе бар. Мен хиджабты шештім. Бұл – саналы түрде қабылданған, оңай болмаған шешім. Өзгеріс біреудің ықпалымен немесе кездейсоқ болған жоқ. Ұзақ ойландым, уайымдадым, үндемедім. Енді тек уақыты келді», – деп жазды ол Stories-інде.

Блогер өз жазбасында ешкімнің мақұлдауын немесе кеңесін күтпейтінін де атап өтті.

«Мен ешкімнен қолдау, кеңес не даулаcуды күтпеймін. Маған тек құрмет пен тыныштық керек. Бұл – менің жолым. Бұл жолда мен ешкімге ештеңе дәлелдемеймін», – деді ол.

Блогер хиджаб таққан кезінде көп сынға ұшырағанын еске алып, бұл жолы ондай жағдай қайталанбайтынына үміттенеді.