«Тағы да қызды болдым»: Гүлзира Айдарбекова отбасындағы қуанышты жаңалықты жеткізді

26 қараша 2025, 12:28 998

«Тағы да қызды болдым»: Гүлзира Айдарбекова отбасындағы қуанышты жаңалықты жеткізді — Фото: ашық дереккөз. Суретте: Гүлзира Айдарбекова

Танымал продюсер Гүлзира Айдарбекова кіші келіні Индираға кұтпеген тосын сый жасады, деп хабарлайды POLITICO.KZ.

Ол күтуші ретінде үйіне филиппин қызды жұмысқа алған.

«Тағы да бір қызды болдым. Танысып қойыңыздар, есімі – Джой», - деп жазды ол.

Оқырмандар бұл жайтқа түрлі реакция білдірді. Кейбіреуі «Өзімізден табылмады ма!», «Келін жас қой өзі қарай алмайды ма, 1 бала ғой» деп пікір жазған.

Гүлзира Айдарбекова төмендегідей жауап берді.

«Өзімен айналыссын. Тағы туа берсін уайымсыз. Үйдің жұмысынан еш келінім қиналған емес, көмекші дайындап берем ғой бәріне де, енді ағылшын тілін меңгеруге қосымша көмек болады. Ұнап жатса, басқа келіндерге де қарастырамын. Олар контрактымен келген соң, өз жұмыстарына ұқыпты болады, басқа түкпен шаруасы жоқ», - деп жауап жазды оқырмандарына продюсер.