Талдықорғанда өртенген қонақ үйден 12 рет пышақталған әйелдің мәйіті табылды

Талдықорғанда өртенген қонақ үйден 12 рет пышақталған әйелдің мәйіті табылды, деп хабарлайды POLITICO.KZ. 

Ол қонақ үйде администратор болып істеген. Марқұмның денесі өрт сөндіру кезінде анықталған. 

Алдын ала болжам бойынша, қылмыскер ізін жасыру үшін ғимаратты әдейі өртеген болуы мүмкін.

"24 мамыр күні сағат 04:14-те Paradise Villa қонақ үйінің тіркеу бөлігінде өрт шықты. Жалын 20 шаршы метр аумақты шарпыды. Сағат 04:29-да өрт толық сөндірілді, 35 адам эвакуацияланды", – деп хабарлады Жетісу облысы ТЖД.

Кісі өлтіру фактісі бойынша қылмыстық іс қозғалды, 23 жастағы күдікті ізін суытпай ұсталып, қамауға алынды.