Танымал спортшы Тайландта өте ауыр жағдайда қаза тапты

Ресейлік спортшы, бодибилдингтен белгілі Юлия Родина Таиландта қайғылы оқиға салдарынан суға батып кетті, деп хабарлайды POLITICO.KZ ALASH.KZ сайтына сілтеме жасап. 

Оқиға Пхукет аралындағы Банг-Тао жағажайында болған. Хабарламаға сәйкес, Юлияны судан жансыз алып шыққан, ал жергілікті дәрігерлер оны бір тәулік бойы тірілтуге тырысқанына қарамастан, аман алып қала алмаған.

Юлия Родинаның әріптесі Наталья Маркеленкова кейінірек бұл жағдайға қатысты пікір білдіріп, Юлия кері ағысқа (рип) түсіп қалғанын айтты.

Қазір спортшының отбасы оның денесін Ресейге жеткізу үшін қаражат жинаумен айналысып жатыр.