Тасқыннан зардап шеккен өңір түлектеріне 12 мың білім гранты арнайы бөлінді

  «Тасқын судан зардап шеккен өңір түлектері үшін үш маңызды шара қабылдадық. Біріншісі – негізгі ҰБТ мерзімі кейінге шегерілді, бұл аймақтарда 25 мамыр мен 12 шілде күндері өтеді, яғни 47 күн беріп отырмыз. Екіншісі – биылғы мемлекеттік тапсырыстың 20 пайызын – 12 мың грантты арнайы зардап шеккен өңірлерге бөліп отырмыз», - деді Ғылым және жоғары білім министрі Саясат Нұрбек. Үшінші маңызды шешім – су тасқынынан зардап шеккен 6 өңірде негізгі ҰБТ-дан төмен балл алған жағдайда оларға қаңтар-наурыз айларындағы ҰБТ нәтижелерін қолдануға мүмкіндік беріледі.