Тай боксы чемпионы Серік Әли Алматыда қаза тапты

Алматы қаласында Тай боксы бойынша әлем чемпионы Серік Әли қайғылы жағдайда қаза тапты, деп хабарлайды POLITICO.KZ.

Алматы қаласының полиция департаменті бұл ақпаратты растап, күдіктінің "ізін суытпай" ұсталғанын мәлімдеді.

"Қылмыстық іс қозғалды. Күдікті ұсталып, уақытша ұстау изоляторына қамалды. Алдын ала мәлімет бойынша, таныстар арасында жанжал шығып, нәтижесінде күдікті пышақ қолданған. Қылмыс қаруы тәркіленді", – деп хабарлады ведомство.

Тәртіп сақшылары қылмыстың өзге де мән-жайларын анықтауда.

Тай боксы федерациясы Серік Әлидің отбасы мен жақындарына көңіл айтып, жас спортшының қазасы ел спорты үшін үлкен қайғы екенін жеткізді.