«Тәжірибе жинап алдым»: Мөлдір Мұқанова ажырасу туралы кино түсіреді

Продюсер Мөлдір Мұқанова енді екінші киносын түсіруге белек сыбана кіріскенін айтты, деп хабарлайды POLITICO.KZ

Продюсер кеше ғана өзінің продюсерлігімен түсірілген фильмнің жабық көрсетілімін өткізді. Ол енді ажырасу туралы кино түсіретінін айтты.

«Залға кіруге қатты қорқып, тығылып отырдым. Өйткені бұл алғашқы кино болғандықтан кемшіліктер болуы мүмкін. Тәжірибе жинап алдық. Келесі киноға идея көп. Осы жолы жай шет жағасын жеңіл-желпі көрсеттік. Енді келесіде  қоғамдағы өте өткір тақырыпты алатын боламыз. Сценарий жазылып жатыр. Негізі елімізде соңғы уақыттағы статистикаға қарасақ, ажырасу көбейген. Осы тақырыпта кино түсіргім келеді. Сол кино арқылы ажырасудың саны азайса, кем дегенде бір 10% отбасына әсер ететін болсақ, соның өзі үлкен жетістік деп ойлаймын», - дейді Мөлдір Мұқанова журналист Ирина Тенге берген сұхбатында.