Теңіз кен орнын кеңейту жобасының құны 2,2 млрд долларға артуы мүмкін

«ТШО Келешекте кеңейту жобасының – Ұңғыма ернеуінің қысымын басқару жобасын іске асырады. Жоба аясында ТШО өндірісі жылына 12 миллион тоннаға артады. ККЖ/ҰЕҚБЖ жобасы (Келешекте кеңейту жобасының – Ұңғыма ернеуінің қысымын басқару жобасы) іске асырудың соңғы сатысында. Жоба бойынша нақты шығындар $46 млрд құрайды, жұмыстың жалпы ілгерілеуі – 99,4 пайыз. Жоба бойынша негізгі құрылыс жұмыстары 2023 жылы аяқталды. Қазіргі уақытта жүйелерді (Systems Completion) аяқтау және іске қосу-баптау жұмыстары жүргізілуде», - деп атап өтеді министрліктен.

«Содан кейін ТШО серіктестермен бірлесіп, кесте тәуекелдерін және жоба құнын бағалау бойынша семинар (Cost and Schedule Risk Assessment) өткізді. Семинар нәтижелері негізінде ТШО серіктестерге $48,9 млрд ($2,2 млрд ұлғайту) мөлшеріндегі 2024 жылдың 2 тоқсанына (2024 жылдың желтоқсанынан бастап) ҰЕҚБЖ нысандарын іске қосуды және ККЖ объектілерін – 2025 жылғы 2 тоқсанға (2024 жылғы маусымнан бастап) ауыстыруды көздейтін жаңа жобаны бекіту бойынша сұрау салуды жолдады. Жоба бюджетінің ұлғаюы негізінен іске қосылатын объектілердің ауқымдылығына орай іске қосу-реттеу кезеңіндегі жұмыс көлемінің бағаланбауымен байланысты», - деп нақтылайды Энергетика министрлігінен.