Қ.ТОҚАЕВ ҚАТАРЛЫҚ БИЗНЕСМЕНМЕН КЕЗДЕСТІ

    Қасым-Жомарт Тоқаев Дохаға мемлекеттік сапары аясында Қатардың ірі бизнес құрылымдарының басшыларымен бірқатар кездесу өткізді. Al Faisal Holding компаниясы директорлар кеңесінің төрағасы Фейсал бен Қасым Әл Тәнимен әңгімелесу барысында екіжақты экономикалық және инвестициялық байланысты нығайту мәселелері талқыланды. Соның ішінде құрылыс, туризм және қонақүй бизнесі, білім беру бағыты бойынша бірлескен жобаларды жүзеге асыру сөз болды. Al Faisal холдингіне Астанада Қазақстан мен Қатар арасындағы достық қарым-қатынастың символына айналатын айтулы ғимарат салу ұсынылды.