Тобылда қымбат көлікті ұрлаған 19 жастағы жігіт бірден апатқа ұшырады

26 тамыз 2026, 22:16 1062

Тобылда қымбат көлікті ұрлаған 19 жастағы жігіт бірден апатқа ұшырады — Видеодан кадр

Қостанай облысының Тобыл қаласында 19 жастағы тұрғын Lexus LX 570 көлігін тұрақтан заңсыз айдап кеткен, деп хабарлайды Politico.kz.

Алайда ол көлікпен алысқа ұзай алмай, көп ұзамай жол-көлік оқиғасына тап болған.

Оқиға таңғы сағат 5:00 шамасында Титова көшесінде болған. Lexus LX 570 көлігі тұрақта тұрған жерінен айдап әкетілген.

Көлікті тізгіндеген 19 жастағы жігіттің жүргізуші куәлігі болмаған. Ол көп ұзамай тұрақта тұрған оқу-жаттығу көлігімен соқтығысқан. Жол апатының сәті бейнебақылау камерасына түсіп қалған.

Қостанай облысы полиция департаменті бастығының орынбасары Аманжол Байзақовтың айтуынша, аталған факті бойынша Қазақстан Республикасы Қылмыстық кодексінің 200-бабы 1-бөлігі бойынша қылмыстық іс қозғалған. Бұл бап көлікті ұрлау мақсатынсыз заңсыз иеленуге қатысты.

Қазіргі таңда оқиғаның барлық мән-жайы анықталып жатыр.

«Өлтіріп кетеді деп қорқамын»: Алматылық блогер бұрынғы жігітінен қорқып жүргенін айтты

Ақтөбеде өз анасын пышақтап өтірген 16 жастағы оқушының соты басталды

Автокөлік Жол апаты Полиция тобыл қаласы Қостанай облысы

Бізді Google-дың негізгі дереккөздер тізіміне қосыңыз

Қосу