Тоқаев Қарулы күштер қатарында жаңа кадрлық ауыс-түйіс жасады

Мемлекет басшысы Қасым-Жомарт Тоқаевтың өкімімен Қарулы күштердің Десанттық-шабуылдау әскерлері мен «Астана» өңірлік қолбасшылығына жаңа басшылар тағайындалды, деп хабарлайды Politico.kz.

Ақорданың хабарлауынша Президент 2024 жылдың қараша айынан бері «Астана» өңірлік қолбасшылығын басқарған Махсут Гусейновті Қазақстан Республикасы Қарулы күштерінің Десанттық-шабуылдау әскерлерінің қолбасшысы етіп тағайындап, оны бұрынғы қызметінен босатты.

Ал босаған «Астана» өңірлік қолбасшылығы әскерлерінің басшысы лауазымына осыған дейін «Батыс» өңірлік қолбасшылығы әскерлері қолбасшысының бірінші орынбасары қызметін атқарған Бағлан Өсербаев тағайындалды.

Естеріңізге сала кетейік осыған дейін Тоқаев Бауыржан Артықовты «Батыс» өңірлік қолбасшылығы әскерлерінің қолбасшысы лауазымынан босатқан еді.