Тоқаев Түркияның ең жоғарғы мемлекеттік наградасымен марапатталды

Тоқаевқа Түркияның ең жоғары мемлекеттік ордені табысталды, деп хабарлайды POLITICO.KZ

Қасым-Жомарт Тоқаев Түркияның ең мәртебелі «Devlet Nişanı» мемлекеттік орденіне ие болды. Салтанатты рәсім кезінде бұл марапатты оған Түркия Президенті Ердоғанның өзі табыс етті.

Мемлекет басшысы Ердоғанға және бүкіл түрік халқына шынайы ризашылығын білдіріп, Түркия Республикасының жоғары мемлекеттік наградасын қабылдау өзі үшін зор мәртебе екенін атап өтті.