Тоқаев: «Жасыл» энергетиканы француз компанияларымен белсенді түрде дамытып жатырмыз

Францияның Le Figaro газетінде Қазақстан президенті Қасым-Жомарт Тоқаевтың мақаласы шықты. Ұлттық жоспарда біз ішкі саясатта берік демократиялық басқару жүйесін құрдық және «жасыл» энергетика, цифрлық технологиялар және логистика сияқты болашақ салаларды, соның ішінде француз компанияларымен тығыз қарым-қатынаста белсенді түрде дамытып жатырмыз. Қоршаған ортаны қорғау саласында біз жаһандық климаттық күн тәртібін берік ұстанамыз және планета мен болашақ ұрпақ алдындағы міндеттемелерімізді растай отырып, Париж климаттық келісімін жан-жақты қолдаймыз. 2060 жылға қарай көміртекті бейтараптыққа қол жеткізудің біз мәлімдеген мақсаты - Қазақстанның орнықты даму мақсаттарын дәйекті іске асыруының тағы бір дәлелі. Біз президент Эмманюэль Макронмен бірлесіп, осы жылдың желтоқсан айында су ресурстарына қатысты барлық сын-қатерлер бойынша ынтымақтастықты күшейту мақсатында және БҰҰ-ның орнықты дамуының ең маңызды мақсатына: «барлығына таза су және санитарияға» қол жеткізу жолында One Water Summit бастамасын өткізуге қуаныштымыз. Қазақстанның тату көршілік қағидатына берік міндеттемесі «Орта дәліз» – Қазақстан мен Каспий теңізі арқылы Азия мен Еуропаны байланыстыратын стратегиялық бағыт сынды жобалар арқылы өңіраралық интеграцияны белсенді дамытуға мүмкіндік береді.