Трамп Газаны бақылауға алуға дайын екенін мәлімдеді: Палестиналықтар Газадан күштеп көшірілуі мүмкін

АҚШ президенті Дональд Трамп Израиль премьер-министрі Беньямин Нетаньяхумен кездесуінде Газа секторын соғыстан кейін бақылауға алуға дайын екенін мәлімдеді, деп хабарлайды POLITICO.KZ.

Трамптың айтуынша, палестиналықтарды Газадан басқа елдерге көшіру қарастырылуда.

"Палестиналықтар Египет пен Иорданиядан бөлек, тағы 5-6 елге көшірілуі мүмкін. Оларға ыңғайлы жағдай жасаймыз", — деді ол.

АҚШ басшысы Газаны "Таяу Шығыстың ривьерасына" айналдыруды жоспарлап отыр. Ол жерде жаңа ғимараттар салынып, жұмыс орындары ашылмақ. Алайда, Трамп Газаның болашақта кімнің бақылауында болатынын нақтыламады.

ХАМАС бұл ұсынысты қатаң сынға алып, Газадан палестиналықтарды күштеп көшіру Израильдің бақылауын орнату мақсатында жасалып жатқанын мәлімдеді.

"Бұл геноцид пен зорлық-зомбылықты заңдастыру", — деп мәлімдеді ХАМАС өкілдері.

Нетаньяху Трамптың ұсынысын қолдап, Израильдің Газаның болашағына қатысты жоспарына сәйкес келетінін айтты.