Трамп Украинадан сирек металдар арқылы көмекті өтеуді талап етті

АҚШ Украинадан 300 млрд доллар көмекті қайтаруды сұрайды

АҚШ президенті Дональд Трамп Украинаға көрсетілетін көмектің жалғасуы сирек кездесетін металдармен қамтамасыз етілуіне байланысты болатынын мәлімдеді, деп хабарлайды POLITICO.KZ.

DW мәліметінше, Трамп Вашингтонның Украинаға берген 300 млрд долларлық қолдауын өтеу үшін Киев сирек кездесетін металдар мен басқа да стратегиялық ресурстарды жеткізуге міндеттелуі керек екенін айтты.

"Біз Украинамен келісім жасасқымыз келеді, олардың бізге көмектері сирек кездесетін металдар мен басқа да маңызды ресурстар арқылы өтелетін болады," – деді Трамп өз мәлімдемесінде.

Оның айтуынша, Украина бұл талаптарды орындауға дайын екенін көрсеткен. Бұл келісім АҚШ-тың Украинаға жасайтын болашақ көмегінің басты шартына айналуы мүмкін.

АҚШ Украина