Түркістан облысындағы зауытта танымал спортшы қайғылы жағдайда қаза тапты

15 қыркүйек 2026, 10:04 960

Түркістан облысындағы зауытта танымал спортшы қайғылы жағдайда қаза тапты — Фото: коллаж POLITICO.KZ

ЖАЛҒАСЫ

Кінәлілер жазалансын: Зауытта көз жұмған балуанның отбасы әділдік сұрады
17.09.2026, 09:18

Түркістан облысындағы кафель зауыттарының бірінде грек-рим күресінен Қазақстан чемпионы Тілектес Әділ өндірістік жазатайым оқиға салдарынан көз жұмды, деп хабарлайды Politico.kz.

Марқұмның досы таратқан мәліметке сүйенсек, қайғылы оқиға спортшының жұмыс орнында болған. Ол еңбек барысында абайсызда электр сымына тиіп кетіп, ток соққысынан кейін биіктіктен құлаған. Оқиға орнына жедел жеткен дәрігерлер оның өмірін сақтап қала алмады.

Тілектес Әділ есту қабілеті төмен спортшылар арасында ел намысын абыроймен қорғап жүрген саңлақ еді. Ол 2018 жылы Ақтөбеде өткен ҚР II Спартакиадасында грек-рим күресінен 55 кг салмақта топ жарса, 2019 жылы Қостанайдағы ел чемпионатында 60 кг салмақта алтын медаль еншілеген. Сонымен бірге бірнеше мәрте республикалық және халықаралық бәсекелердің жүлдегері атанған.

Марқұмның артында жары мен екі баласы қалды.

балуан Спортшы Түркістан облысы қайтыс болды

Бізді Google-дың негізгі дереккөздер тізіміне қосыңыз

Қосу

Түркістан облысындағы зауытта танымал спортшы қайғылы жағдайда қаза тапты

Соңғы жаңалықтар